ДАР ХАТЛОН 9 НЕРӮГОҲИ БАРҚӢ СОХТА ШУД

                 Хатлон, 2 ноябр. (АМИТ «Ховар», Сулаймон Холов).-Дар вилояти Хатлон дар давоми 9 моҳи соли ҷорӣ ба маблағи 172,4 миллион сомонӣ фондҳои асосӣ ба истифода дода шудаанд, ки нисбат ба ҳамин давраи соли гузашта 59,3 миллион сомонӣ зиёд мебошад, гуфт раиси вилояти Хатлон Ғ. Авзалов ва афзуд, ки то имрӯз 240 биною иншоотҳо ба истифода дода шуда, 2151 ҷои нави корӣ муҳайё гардидааст. Ба гуфти Ғ. Авзалов дар ин давра 9 адад нерӯгоҳҳои хурд, 31 адад сохтмону барқароркунии мактаб барои 6576 ҷои хониш, 16 адад муассисаи тандурустӣ барои 400 басти қабул, 2203 хонаҳои истиқоматӣ дар масоҳати 170296 метри мураббаъ ба истифода дода шудааст.