ГАРДИШИ МОЛ ЯКУНИМ БАРОБАР КАМ ГАРДИД

                 Душанбе, 2 ноябр. (АМИТ «Ховар», Л.Додо). – Тибқи иттилои муовини сардори Раёсати гумруки вилоят Ёрмаҳмад Фақиров соли ҷорӣ дар Бадахшон гардиши берунаи мол 6 миллион доллари амрикоиро ташкил дод, ки ин нисбат ба соли 2008 якуним баробар кам аст. Ёрмаҳмад Фақиров сабаби асосии инро дар воқеаҳои тобистони соли ҷорӣ дар ноҳияи Мухтори Шинҷону Уйғур рӯи кор омада мебинад. Баъдан соли ҷорӣ маблағи пардохти боҷи давлатии гумрукӣ барои вориди ҷумҳурӣ гардонидани автомобилҳо зиёд шуд. Дар соли 2008 аз Ҷумҳурии Чин 9 ҳазор автомашина марзро убур кард, ки 60 дар сади даромад аз ҳамин ҳисоб ба даст омад. Соли ҷорӣ ҳамагӣ 6 адад автомашина аз Чин оварда шуд, ки яъне баланд бардоштани маблағи боҷи давлатии гумрукӣ беасар намонд.