АМАЛИЁТИ «АРЧА» ДАВОМ ДОРАД

                 Душанбе, 29 декабр. (АМИТ «Ховар», Таҳмина Ғоибназарова). — Кормандони мақомоти муҳофизи қонун ва тартиботи ҷумҳурӣ муборизаро ба муқобили ворид сохтани асбобу анҷом ва воситаҳои оташзо ва фурӯши онҳо дар бозорҳои мамлакат давом медиҳанд.                  Аз дафтари матбуоти вазорати корҳои дохилӣ ба мухбири АМИТ «Ховар» хабар доданд, ки кормандони Шӯъбаи корҳои дохилии ноҳияи Исфара 28 декабр аз хонаи истиқоматии нафақахӯри 62 – сола Мукаррама Каримова 4204 адад воситаҳои пиротехникӣ ва «хлопушка» — ро мусодира намуданд.                   Кормандони Шӯъбаи корҳои дохилии ноҳияи Бобоҷон Ғафуров Шӯҳратҷон Очилови 20 – соларо дастгир намуданд, ки мехост дар бозори «Панҷшанбе» 2700 адад «хлопушка» — ро фурӯшад.                   Дирӯз инчунин дар маркази тиҷоратии «Ҷалол» — и шаҳри Душанбе 21 ҳазору 686 асбобу анҷоми пиротехникӣ, аз ҷумла 20 ҳазору 918 «хлопушка» мусодира карда шуд.                    Аз рӯи ҳамаи ин воқеаҳо парвандаҳои ҷиноӣ кушода шуданд ва тафтишоти онҳо давом дорад.