ДАР ДУШАНБЕ 14 НАФАР ГИРИФТОРИ ЗУКОМИ H1N1 БА ҚАЙД ГИРИФТА ШУД
Душанбе, 17 декабр. (АМИТ «Ховар», Ибодат Давлатова).- Имрӯз дар ҷаҳон бемории пандемияи зукоми нави калифорниягӣ H1N1 2009 паҳн гардидааст. Дар Тоҷикистон низ аз моҳи ноябри соли равон якчанд гирифторони бемории пандемияи зукоми нав ба қайд гирифта шудааст. Тавре ба АМИТ «Ховар» аз Вазорати тандурустии Ҷумҳурии Тоҷикистон иттилоъ доданд, дар ҷумҳурӣ то имрӯз 14 нафар гирифторони ин беморӣ ба қайд гирифта шудаанд. Бояд тазаккур дод, ки қисми зиёди бақайдгирифташудагон дар хориҷи кишвар ба ин беморӣ мубтало шудаанд, ки дар байни онҳо шаҳрвандони Ҳиндустон, Африқо, Италиё, Русия, Чин ва Тоҷикистон ҳастанд. Доир ба пешгирӣ ва табобати пандемияи зуком аз ҳисоби маблағҳои Бонки Умумиҷаҳонӣ ва Иттиҳоди Аврупо 24 маҷмӯи дастгоҳи нафаскашии сунъии мобилӣ, 24 маҷмӯи «Амбу», 4 дастгоҳи эҳёгарии дил, 4 бухории инсенератор (барои сӯзондани ашёҳои яккаратаи тиббӣ), дар маҷмӯъ ба маблағи 574 ҳазор доллари амрикоӣ таҷҳизот оварда шудааст. Ҳамчунин 20 кати функсионалӣ (эҳёгарӣ) ба маблағи 36 ҳазор доллари амрикоӣ харидорӣ гардидааст. Чӣ тавре, ки хадамоти назорати давлатии санитариву эпидемиологӣ хабар доданд, аллакай ин таҷҳизотҳо ба тамоми минтақаҳои Тоҷикистон тақсим гардидаанд.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
