ДАР ВОСЕЪ ИСТЕҲСОЛИ НАМАК МЕАФЗОЯД

                Восеъ, 23 декабр. (АМИТ «Ховар», Сулаймон Холов). — Ҷамъияти масъулияташ маҳдуди «Хоҷа – Муъмин»- и ноҳияи Восеъ, ки ба корхонаи истеҳсоли намак мансубият дорад, истеҳсоли намакро ба 2 300 т расонид. Роҳбари корхона Ҷумъахон Ҳисайнов вобаста ба ин мавзӯъ гуфт, ки корхона дар як баст фаъолият намуда 3 навъи намакро истеҳсол менамояд. Ба гуфтаи ин манбаъ аз ҳисоби корхона 700 т намаки техникӣ ва 10 т намаки ошӣ ба сохтмони нерӯгоҳи барқи обии «Роғун» ҳамчун хайрия ирсол гардидааст. Ҳисайнов афзуд ки айни ҳол дар корхона 65 нафар коргарон фаъолият дашта бо шароити иҷтимоӣ ва техникӣ таъмин мебошанд. Мавриди зикр аст, ки истеҳсолоти корхона дар бозори «Фаровон»- и давлати Афғонистон, бозори ноҳияҳои Шаҳритус ва Қабодиён ба фуруш бароварда мешавад. Маъмурияти корхона тасмим гирифтааст, ки саҳмияҳои нерӯгоҳи барқи обии «Роғун»- ро ба маблағи 5000 сомонӣ харидорӣ намояд. Ҷамъияти масъулияташ маҳдуди «Диловар»- ноҳия низ ба истеҳсоли намаки оши ва экстра шурӯъ намуда, истеҳсоли намакро ба 1 500 т расонидааст, ки нисбати соли гузашта зиёд мебошад. Роҳбари корхона Нуралӣ Баротов изҳор дошт, ки корхона навтаъсис бошад ҳам, истеҳсол дар корхона мусбӣ мебошад ва афзуд, ки корхона тавонист ба сохмони нерӯгоҳи барқи обии «Роғун» 500 кг биринҷ ва 500 кг намак ҳамчун хайрия ирсол намояд . Инчунин нақша дорем саҳмияҳои неругоҳи барқи оби «Роғун»-ро ба маблағи 3000 сомонӣ харидорӣ намоем.