ДОНИШГОҲИ АГРАРИИ ТОҶИКИСТОН 40 НАФАР МОҲИПАРВАР ОМОДА МЕСОЗАД

                 Душанбе, 17 декабр. (АМИТ «Ховар», Лаззат Диловарзод).- Бо дастгирии Вазорати кишоварзӣ «Барномаи рушди соҳаи моҳипарварӣ дар Ҷумҳурии Тоҷикистон барои солҳои 2009 — 2015» таҳия гардид.                   Донишгоҳи аграрии Тоҷикистон бо дархости Вазорати кишоварзӣ барои тайёр кардани мутахассисони соҳаи моҳипарварӣ дар бахши рӯзонаи факултаи зооинженерӣ зиёда аз 40 нафар донишҷӯёнро ба таҳсил фаро гирифт.                 Донишгоҳ барои корҳои таҷрибаомӯзӣ дар ноҳияи Ҳисор 2 ҳавзи моҳипарвариро бо ташхисгоҳи замонавӣ ба базаи таълимии худ қабул намуд.                 Ин тадбир имкон медиҳад, ки донишҷӯён назарияро дар амалия санҷида, чун мутахассиси соҳибкасб дар кори моҳипарварӣ таҷриба ба даст оранд.