ИСТЕҲСОЛИ МОЛҲОИ САНОАТИ САБУК КОҲИШ ЁФТ

                Душанбе, 24 декабр. (АМИТ «Ховар», Лаззат Диловарзод).- Тибқи маълумоти Кумитаи давлатии омор, дар моҳҳои январ – ноябри соли 2009 ҳаҷми истеҳсолоти маҳсулоти саноати сабук 582, 9 млн. сомониро ташкил дод, ки нисбат ба ҳамин давраи соли 2008 – ум 12,2 фоиз кам аст.                Истеҳсоли маҳсулоти саноати пахтатозакунӣ (85,2 фоиз), маҳсулоти саноати пахтагин (91,4 фоиз) ва абрешимӣ (75,0 фоиз) коҳиш ёфтааст.                 Дар айни замон, истеҳсоли маҳсулоти дӯзандагӣ (129,4 фоиз) ва кашбофӣ (104,7 фоиз) зиёд шудааст.                 Аз 151 корхонаҳои соҳаи саноати сабук танҳо 45,0 фоизашон истеҳсолотро нисбат ба сатҳи январ – ноябри соли гузашта зиёд намуданд.