МУФАТТИШИ ПОРАХӮР БА ДАСТ АФТОД

                   Душанбе, 22 декабр. (АМИТ «Ховар», Акрам Ҳаитов). – Шаҳрванд «Ҳ» ба Раёсати Агентии назорати давлатии молиявӣ ва мубориза бо коррупсия дар вилояти Суғд бо ариза муроҷиат намуд, ки муфаттиши ШКД-и ш.Хуҷанд Абдусаломов Абдузариф барои аз ҷавобгарии ҷиноятӣ озод карданаш аз рӯи парвандаи дар истеҳсолоташ буда, 1500 доллари ИМА талаб кардааст. Дар ин бора ба АМИТ «Ховар» аз Шӯъбаи пешгирии коррупсияи Агентӣ иттилоъ доданд,                   Дар вақти гузаронидани чораҳои фаврӣ-тафтишотӣ Абдусаломов А. баъд аз гирифтани маблағи 700 доллари ИМА ва 1300 сомонӣ аз тарафи кормандони Агентӣ дастгир карда шуд.                     Нисбат ба Абдусаломов А. бо аломати моддаи 319 қ.1 КҶ ҶТ парвандаи ҷиноятӣ оғоз гардида, чораҳои пешбинӣ намудаи қонун татбиқ мешаванд.