НОЗИРИ МИНТАҚАВӢ ПОРА ТАЛАБ КАРД

                    Душанбе, 21 декабр. (АМИТ «Ховар», Акрам Ҳаитов) – Тавре ба мухбири АМИТ «Ховар» аз Шӯъбаи пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон иттилоъ доданд, 24 октябри соли равон шаҳрванд «Б» ба Раёсати Агентӣ дар вилояти Суғд муроҷиат кард, ки сарнозири минтақавии ШКД-и ноҳияи Б.Ғаффуров лейтенанти калони милитсия Сангинов Абдусалом Абдукаримович барои сабук гардонидани ҷавобгарии ҷиноятӣ аз ӯ маблағи 400 доллари ИМА пора талаб кардааст.                    Ҳангоми гузаронидани чораҳои фаврӣ-ҷустуҷӯӣ баъди гирифтани пора ба маблағи 400 доллари ИМА Сангинов А.А. аз тарафи кормандони Раёсати Агентӣ дар вилояти Суғд дастгир карда шуд.                    Дар ҳаракатҳои Сангинов А.А. аломатҳои ҷиноятии дар моддаи 247 қ.2 КҶ ҶТ пешбинишуда дида мешавад. Нисбати ӯ чораҳои пешбининамудаи қонун андешида шуда истодааст.