ОМӮЗИШИ ТАҶРИБАИ ҲАМКАСБОН

                  Душанбе, 14 декабр.(АМИТ «Ховар», Марзия Саидова).-Гурӯҳе аз кормандони Китобхонаи миллии Тоҷикистон аз Ҷумҳурии Исломии Эрон баргаштанд. Онҳо муддати як ҳафта ҷиҳати таҷрибаомӯзӣ дар ин кишвар қарор доштанд.                     Мудири Китобхонаи миллии Тоҷикистон Шариф Тошев дар сӯҳбат ба хабарнигори АМИТ «Ховар» гуфт, ки кормандону мутахассисони китобхона, ки аз мудирони бахши такмили адабиёт, коркарди адабиёт ва феҳристнигорӣ, автоматикунонӣ ва технологияи компютерӣ иборат буданд, дар доираи Шартномаи ҳамкории байни Китобхонаи миллии Тоҷикистон ва Китобхонаи миллии Ҷумҳурии Исломии Эрон ба ин кишвар сафар карда, бо тарзи китобдорӣ ва корбарии кормандони Китобхонаи миллии Эрон шинос гардида, таҷрибаи пешрафтаи онҳоро аз бар намуданд.