ОМОДАГИИ ТЕХНИКАИ КИШОВАРЗӢ БА КИШТИ ТИРАМОҲӢ

                  Душанбе,16 декабр. (АМИТ «Ховар», Лаззат Диловарзод).- Тибқи маълумоти фаврии Раёсати техникӣ ва рушди инфраструктураи Вазорати кишоварзӣ, соли ҷорӣ ҳангоми кишти тирамоҳӣ дар ҷумҳурӣ 9 ҳазору 475 трактор мавриди истифода қарор гирифт.                  Мувофиқи маълумоти Кумитаи давлатии омор, дар хоҷагиҳои деҳқонӣ (фермерӣ)-и ҷумҳурӣ шумораи умумии тракторҳо ба 4 ҳазору 466 адад мерасад, ки аз он ҳамагӣ 65 фоизаш коршоям мебошад. Шумораи умумии тракторҳои шудгоркунанда бошад дар ҷумҳурӣ 2972 ададро ташкил медиҳад, ки аз он 1784 ададаш коршоям ҳисобида мешавад.                  -Алҳол хоҷагиҳои дехқонӣ ба бештар аз 1000 тракторҳои шудгоркунанда ниёз доранд, -иброз доштанд дар раёсати мазкур ба мухбири АМИТ «Ховар».