ОШХОНАИ ПАРҲЕЗИИ ШАХСӢ

                  Душанбе,18 декабр. (АМИТ «Ховар», Лаззат Диловарзод).- Дар боғи марказии фарҳангу фароғатии шаҳри Кӯлоб баъд аз таҷдиду навсозӣ собиқ ошхонаи парҳезӣ, ки дорои 100 ҷои нишаст мебошад, аз нав ба кор оғоз кард,- телефонӣ иттилоъ доданд аз мақомоти маҳаллии ҳокимияти давлатии шаҳр ба мухбири АМИТ «Ховар».                  Тибқи иттилои ҳамин манбаъ, таҷдиду навсозии боғи марказии фарҳангу фароғатии шаҳр дар чанд давр ба нақша гирифта шудааст ва дар давоми 4 – 5 сол пурра сохта ба истифода дода мешавад.                  Дар боғ айвону утоқҳои барои бозии шоҳмоту шашка, нарду бильярд низ , ки то азнавсозӣ ҷои дӯстдоштаи садҳо нафар бозингарони ин намуди бозиҳо маҳсуб меёфт, васеътар мешаванд.                   Маблағи сохтмони боғ аз ҳисоби буҷаи шаҳр ва соҳибкорони хайрхоҳи маҳаллӣ ҷудо карда мешавад.