ШАРАФИ ХИЗМАТИРО ПАСТ ЗАДАНД

                    Душанбе, 22 декабр. (АМИТ «Ховар», Акрам Ҳаитов). – 22 августи соли 2009 корманди ВКД-и мамлакат Назаров Сафаралӣ Малаевич бо ҳамроҳонаш дар истгоҳи роҳи оҳани ш.Душанбе бо гумонбарии анҷом додани амалиёти ғайриқонунӣ вобаста ба 500 грамм маснуоти ранга(тилло) шаҳрвандон «Ю,Х,Ҳ» -ро дастгир намуда, 500 грамм тиллоро дар ҳузури шахсони холис бо тартиб додани протокол гирифтаанд. Сипас аз ҳадди ваколатҳои мансабӣ баромада ғайриқонунӣ ин шаҳрвандонро то соати 17.00 ҳамон рӯз дастҳояшонро бо дастбанди оҳанин баста дар даруни автомашина нигоҳ дошта, бо истифодаи таҳдид ва зӯроварӣ аз онҳо 20 000 доллари ИМА тамаъ намуда, баъдан аз шаҳрванд «Х» 6000 доллари ИМА ва аз шаҳрванд «Ҳ» 250 грамм тиллоро ғайриқонунӣ гирифта онҳоро ҷавоб медиҳанд.                       Нисбат ба Назаров С.М. ва дигарон бо моддаҳои 316 қ.3 ва 319 қ.4 КҶ ҶТ парвандаи ҷиноятӣ аз тарафи Раёсати Агентӣ дар ш.Душанбе оғоз карда шуда, тафтишот давом дорад. Дар ин бора аз Шӯъбаи пешгирии коррупсияи Агентии назорати давлатии молиявӣ ва мубориза бо коррупсияи кишвар хабар доданд.