ВАРЗИШГАРОНИ БЕҲТАРИНИ СОЛ

                  Душанбе, 25 декабр. (АМИТ «Ховар», Пайрав Назаров). — Анҷумани журналистони соҳаи варзиши ҷумҳурӣ 10 нафар варзишгари беҳтарини соли 2009 – ро муайян намуд.                  Раиси анҷумани мазкур Нарзулло Латифов ба АМИТ «Ховар» хабар дод, ки ба рӯйхати варзишгарони беҳтарини сол аз 9 навъи варзиш – Далер Сайфиддинов, Набимуҳаммад Хоркашев, Эраҷ Раҳимов, Дилшод Назаров, Ҷаҳон Қурбонов, Акмал Қодиров, Сабина Тағойназарова, Парвиз Собиров, Фаррух Амонатов ва Хуршед Маҳмудов шомил гардиданд.                   Н.Латифов зикр намуд, ки варзишгарони беҳтарин дар натиҷаи пурсиши бештар аз 60 нафар шореҳи варзиш муайян карда шуданд. Вай изҳор намуд, ки ба варзишгарони беҳтарини сол ҷоизаҳои Кумитаи ҷавонон, варзиш ва сайёҳии назди Ҳукумати ҷумҳурӣ ва дипломҳои Анҷумани журналистони соҳаи варзиши мамлакат супорида хоҳанд шуд.