ҲОСИЛИ ҒАЛЛА ДАР ХАТЛОН ЗИЁД ШУД

                   Қӯрғонтеппа, 14 январ. (АМИТ «Ховар», Мурод Сотиев). Мусоид омадани обу ҳавои соли 2009 имконият дод, ки кишти ғалладонагиҳо сари вақт ва бо сифати баланд гузаронида шавад.                     Тавре муовини сардори идораи кишоварзии вилояти Хатлон Одинақул Душанов ба АМИТ «Ховар» иттилоъ дод, дар 7,5 ҳазор гектар замин кишт бо тухмиҳои воридотии краснодарӣ гузаронида шуд. Дар натиҷаи андешидани чораҳои агротехникū ва ҷамъоварии сари вақтū дар ҳамаи бахшҳои хоҷагидории вилоят 774,005 ҳазор тонна ғалла истеҳсол карда шуд, ки аз нишондиҳандаи соли гузашта 187 ҳазору 626 тонна ва нисбати солҳои пешин як чанд баробар зиёд мебошад. Ба гуфтаи О.Душанов, дар ин муваффақият ғаллакорони ноҳияҳои Данғара, Ҳамадонӣ, Фархор, Темурмалик, Ёвон, Бохтар, Хуросон ва Восеъ саҳми муносиб гузоштанд.                       Дар бахшҳои хоҷагиҳои ҷамъиятӣ ва хоҷагиҳои деҳқонӣ якҷоя бо кишти такрорӣ 454 ҳазору 50 тонна ғалла истеҳсол карда шуд, ки нисбати соли 2008-ум 186 ҳазору 20 тонна зиёд мебошад. Ҳосилнокӣ аз як гектар ба 27,0 сентнер расонида шуд, ки нисбати дурнамо 6,9 сентнер ва нисбати соли гузашта 7,8 сентнер зиёд мебошад.