65 ҲАЗОР НАФАР БЕКОРОН ДАР ШАҲРИ ДУШАНБЕ

                  Душанбе, 21 январ. (АМИТ «Ховар», Лаззат Диловарзод).- Дар аввалин ҷаласаи шаҳрдорӣ дар соли 2010 аз боби зиёд кардани ҷойҳои нави корӣ сухан рафт.                   Ёдовар мешавем, ки дар сеcсияи 20 -уми даъвати сеюми Маҷлиси намояндагони халқи шаҳри Душанбе моҳи декабри соли 2009 рақамҳое оварда шуданд, ки аз нарасидани ҷойҳои нави корӣ дар соли гузашта дарак доданд.                    Дар давоми соли 2009 ба Маркази шуғли аҳолии шаҳри Душанбе 7541 нафар сокинони шаҳр барои дарёфти кор муроҷиат карданд, ки аз ин 6237 нафарашон ба қайди бекорон гирифта шуданд. Аз шумораи дар боло овардашуда 3280 нафари онҳоро занҳо ташкил доданд.                    Дар давоми соли 2009 дар шаҳри Душанбе 35 ярмаркаи ҷойҳои нави корӣ гузаронида шудааст, ки дар онҳо беш аз 65 ҳазор нафар сокинони шаҳр барои дарёфти кор муроҷиат намуданд.