ДАР ВАНҶ БОЗ ЗАМИН ҶУНБИД

                   Ванҷ, 28 январ.(АМИТ «Ховар», Л.Додо) — Тавре навбатдори мақомоти маҳаллаи ҳокимияти давлатии ноҳияи Ванҷ Салимҷон Сурхов ба АМИТ « Ховар» хабар дод, имрӯз соати 5-50 дақиқаи субҳ дар ноҳияи Ванҷ боз замин ҷунбид.                    Ба гуфтаи навбатдор, намояндагони корхонаи воҳиди коммуналии ҷумҳурӣ дар Сурхсангов-мавзеи кӯчи оилаҳое, ки аз зилзила хонавайрон шудаанд, ба кашидани хати об оғоз намуданд.Инчунин намояндагони Кумитаи геодезӣ ва заминсозӣ аз Сурхсангов дидан карда, корҳои марбутро сомон доданд. Дар ин ҷо инчунин идораи «Визривпром»-и вилоят ба кор оғоз намуд. Коргарони ин корхона сангҳоро шикаста, барои бунёди хонаҳо ҷойро васеъ ва барои девори хонаҳо сангро омода мекунанд.                    Ба гуфтаи сарчашма, Созмони Миллали Муттаҳид барои кишоварзони ноҳияи Ванҷ 300 тонна картошка ва 100 тонна ғалларо барои тухмӣ фиристодааст ва ин тухмӣ аллакай вориди Ванҷ гардидааст.