ДАСТОВАРДҲОИ «АГРОИНВЕСТБОНК» ДАР СОЛИ ГУЗАШТА

                 Душанбе, 26 январ. (АМИТ «Ховар», Покиза Маҳмадбекова). — Аз рӯи маълумоти Ҷамъияти саҳҳомии «Агронивестбонк» то 1 январи соли 2010 ба воситаи бонки мазкур 2 миллиону 479 ҳазору 699 евро, 473 миллиону 46 ҳазору 398 доллари ИМА ва 7 миллиарду 683 миллиону 201 ҳазору 112 рубли Русия аз хориҷи кишвар ба Тоҷикистон фиристода ва ба мизоҷон дода шудааст.                     Бонк то 31 декабри соли 2009 ба мизоҷонаш қариб 937 миллион сомонӣ қарз додааст. Маблағи пасандози дар бонк буда 189 миллион сомониро ташкил дод.                     Соли гузашта маблағи дар муомилот будаи бонк бештар аз 1 миллиард сомонӣ буд, ки нисбат ба соли 2008 – ум 164,5 фоиз зиёд мебошад. Маблағи дороии умумии бонк соли гузашта ба 254 миллион сомонӣ расид.