ФАЛОКАТИ ҲАВОПАЙМОИ МУСОФИРБАР
Бейрут, 26 январ. (АМИТ «Ховар» — РБК.ру). — Ҳавопаймои мусофирбари ширкати ҳавонавардии мулкии Ҳабашистон Боинг – 737, ки субҳи дирӯз аз шаҳри Бейрут ба шаҳри Аддис – Абеба парвоз карда буд, баъди чанд дақиқаи парвоз ба фалокат дучор гардида, ба баҳр афтод. Дар ҷараёни амалиёти ҷустуҷӯ дар наздикии соҳилҳои Лубнон 23 ҷасад ёфт шуд. Вазъи ҳавои маҳалли фалокат ниҳоят номусоид мебошад, бо вуҷуди ин амалиёти ҷустуҷӯ давом дода мешавад. Наҷотдиҳандагон шикастапораҳои ҳавопайморо дар наздикии соҳилҳо дарёфт намуданд. Ба қавли шоҳидон, ҳавопаймо дар ҳаво оташ гирифта, баъд ба баҳр афтодааст. Имрӯз дар Лубнон барои поси хотири одамони дар натиҷаи ин фалокат ҳалокгардида рӯзи мотам эълон карда шуд. Ҳавопаймо 83 мусофир ва 7 сарнишин дошт. Дар байни мусофирони он 54 шаҳрванди Лубнон, 22 шаҳрванди Ҳабашистон, 2 шаҳрванди Британияи Кабир, инчунин шаҳрвандони Канада, Русия, Фаронса, Ироқ ва Сурия буданд.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
