ФУРӮШИ САҲМИЯҲОИ НБО «РОҒУН» ДАР ВИЛОЯТИ ХАТЛОН

                 Қӯрғонтеппа, 7 январ. (АМИТ «Ховар», Мурод Сотиев). — Дар маркази вилояти Хатлон — шаҳри Қӯрғонтеппа фурӯши саҳмияҳои Ҷамъияти саҳомии «Роғун» дар вақти муқарраршуда оғоз ёфт. Аввалин шуда, раиси вилоят Ғайбулло Авзалов саҳмияҳои нерӯгоҳро харидорӣ кард. Ӯ дар маросими ботантанаи оғози маъракаи фурӯши саҳмияҳо ҳамаи сокинони вилоятро даъват намуд, ки ташаббуси Президенти мамлакат Эмомалӣ Раҳмонро дар бораи тезонидани суръати сохтмони нерӯгоҳ дастгирӣ карда, саҳмияҳои онро харанд.                  Мухбири АМИТ «Ховар» хабар медиҳад, ки дар маросими ифтитоҳи маъракаи фурӯши саҳмияҳо муовини Сарвазири ҷумҳурӣ Муродалӣ Алимардон иштирок дошт.