ГУЗАРИШ БА ФУРӮЗОНАКҲОИ КАММАСРАФ -ТАЛАБИ ЗАМОН

                Шаҳраки Сомониён, 25 январ. (АМИТ «Ховар», Ҳотам Рабиев). — Кулли корхонаҳо, муассисаҳо ва ташкилотҳои ҳудуди ноҳия ба истифодаи лампаҳои каммасраф гузаштанд,- иброз дошт сухангӯи раиси ноҳияи Рӯдакӣ Муҳаммадии Салим ба хабарнигори АМИТ «Ховар» .                 Аҳолии ноҳия бошанд 370 779 ҳазор адад лампаҳои тасфонро бо фурӯзонакҳои каммасраф иваз намуданд, ки ин 98 фоизро ташкил медиҳад. Аз ҷониби Ҳукумати Ҷумҳурии Тоҷикистон ба 8 ҳазору 28 нафар оилаҳои камбизоати ноҳия 64 ҳазору 224 дона фурӯзонакҳои каммасраф ҳамчун кӯмак дастрас гардонида шуд.                  Бо мақсади сарфа намудан дар 38 адад нонвойхонаи ноҳия, ки аз қувваи барқ истифода менамуданд, сӯзишвории алтернативӣ-истифодаи ангиштсанг ташкил карда шуда, ҳамзамон бо 500 тонна ангиштсанг таъмин карда шуданд.