ЛОИҲАИ ЗИДДИСИЛИИ БАРНОМАИ РУШДИ СММ ДАР ҶТ

                  Душанбе, 15 январ. (АМИТ «Ховар», Лаззат Диловарзод).- Бино ба иттилои Менеҷери Лоиҳаи зиддисилии БРСММ (Барномаи Рушди Созмони Милали Муттаҳид) Зумрад Махсумова, ин барнома дар ҶТ аз 1 – уми октябри соли 2009 оғоз гардида, то 30 – юми сентябри соли 2011 идома меёбад. Ин давра, марҳилаи аввали амалӣ шудани барномаи мазкурро дар бар мегирад.                   Барои амалисозии ин барнома зиёда аз 20 млн. доллари амрикоӣ ҷудо гардидааст.                     Тибқи сиёсати пеш гирифтаи Хазинаи Глобалӣ, тамдиди лоиҳа барои 3 соли оянда- (2012 — 2014) аз натоиҷи ба даст овардаи БРСММ дар марҳилаи якум вобаста аст. Дар сурати ноил шудан ба натиҷаҳои қаноатбахш, барои амалисозии даври дуюми лоиҳаи мазкур боз 10 млн. доллар пешниҳод мегардад.