МАҶЛИСИ ШӮРОИ ТИҶОРАТИИ СҲШ ДАР УЛОН — БОТУР

                  Душанбе, 28 январ. (АМИТ «Ховар», Покиза Маҳмадбекова). — 23 январ дар шаҳри Улон – Ботур маҷлиси Шӯрои тиҷоратии Созмони ҳамкории Шанхай баргузор гардид. Дар он намояндагони Русия, Қазоқистон, Чин, Қирғизистон, Тоҷикистон, Ӯзбекистон, созмонҳои тиҷоратӣ ва давлатии мамлакатҳои аъзои СҲШ иштирок намуданд.                  Аз Тоҷикистон дар ин маҷлис раиси Палатаи савдо ва саноати мамлакат Шариф Саид иштирок дошт.                   Дар маҷлис масъалаҳои вусъати ҳамкорӣ дар соҳаҳои туризм, туризми тиббӣ, таъсиси Маҳфили энергетикии СҲШ ва ташкили Маркази муттаҳидаи ҳамкории иқтисодии мамлакатҳои аъзои СҲШ муҳокима шуданд.