«ОМӮЗГОРИ АСИЛ»

                  Хоруғ, 28 январ. (АМИТ «Ховар», Л. Додо). – Бо чунин ном китобе роҷеъ ба ҳаёт ва фаъолияти Давлат Шабдолов, ки охири солҳои 20-уми қарни ХХ Донишгоҳи халқҳои шарқи шаҳри Ленинградро хатм карда, дар кори саводомӯзии мардуми Бадахшон ва рушди ин сарзамин хизмати шоёне дорад, дар шаҳри Москва бо теъдоди 500 нусха аз чоп баромад.                    Нависанда Ҷонибеки Қозибек аз зиндагиномаи ин марди зиндаёд китобро ба қалам дода, миёнаҳои ҳафтаи ҷорӣ дар ҳузури маорифчиёни варзида китоби «Омӯзгори асил» мавриди тафсилу ҳимоя қарор гирифт.