СУҒД: ҚИСМИ ДАРОМАДИ БУҶЕТ БАРЗИЁД ИЧРО ШУД

                    Хуҷанд, 15 декабр. (АМИТ «Ховар», Санавбар Максудова). Дар соли 2009 маблағи умумии маҳсулоти умумии дохилии вилояти Суғд 4,97 миллиард сомониро ташкил дод, қисми даромади буҷети вилоят 107,6 фоиз ичро гардид. Дар ин бора дар нишасти матбуоти муовини сардори раёсати рушди иқтисод ва фаъолияти зиддимонополии вилоят Муҳиддин Мӯъминҷонов ва сардори сарраёсати молияи вилоят Анвар Мирзоев хабар доданд.                     Қайд карда шуд, ки соли 2009 дар вилоят ба андозаи як миллиарду 223 миллион сомонӣ (104,8 фоиз нисбат ба ҳамин нишондиҳанда дар соли 2008) маҳсулоти саноати истеҳсол гардид. Маблағи маҳсулоти кишоварзӣ ду миллиарду 335 миллион сомониро ташкил дод (110,4 фоиз нисбат ба ҳамин нишондоди соли 2008).                      Маблағи савдои беруна дар соли 2009 дар шимоли кишвар 809,2 миллион доллари амрикоиро ташкил дод (75,8 фоизи ҳамин нишондод дар соли 2008). Аз ин ҳисоб ҳаҷми содирот 150,3 миллион доллари амрикоӣ (93 фоизи ҳамин нишондод дар соли 2008) ва ҳаҷми воридот 658,9 миллион доллари амрико (72,7 фоизи ҳамин нишондод дар соли 2008)-ро ташкил дод.                       Иҷрои қисми даромад ва қисми хароҷоти буҷети вилоят дар соли 2009, мутаносибан, ба андозаи 107,6 фоиз ва 99,7 фоиз таъмин гардид. Маоши миёнаи кормандон дар вилоят то якуми августи соли 2009 –ум 213,7 сомониро ташкил дод (120 фоиз нисбат ба ҳамин нишондоди маош дар соли 2008).