ТОҶИКИСТОН ДОРОИ ЧАНД МИЛЛИОН ҚУВВАИ КОРӢ АСТ?

                 Душанбе, 14 январ.(АМИТ «Ховар», Марзия Саидова).-«Дар Ҷумҳурии Тоҷикистон 4 миллиону 300 ҳазор қувваи қобили меҳнат вуҷуд дорад, ки 2 миллиону 300 ҳазори он дар соҳаҳои гуногуни иқтисодиёти кишвар фаъолият доранд», гуфт зимни нишасти матбуотӣ ба хабарнигорон Вазири меҳнат ва ҳифзи иҷтимоии аҳолии ҷумҳурӣ Шукурҷон Зуҳуров.                   Вазир афзуд, ки алҳол ҳудуди 800 то 1 миллион нафар шаҳрвандони Тоҷикистон дар хориҷӣ кишвар, асосан дар Федератсияи Русия ва Қазоқистон дар муҳоҷирати меҳнатӣ мебошанд. Ҳамзамон, 1 миллион нафари дигар дар дохили кишвар ба корҳои мавсимӣ машғуланд, ки аз ин миқдор қисме аз он бекоронро ташкил медиҳанд.