ЁДБУДИ УСТОДИ ЗИНДАЁД

                   Душанбе, 16 январ. (АМИТ «Ховар», Акрам Ҳаитов) — Имрӯз ёдбуди забоншиноси машҳури тоҷик, собиқ устоди Донишгоҳи миллии Тоҷикистон, Саид Ҳалимов баргузор мегардад.                    Ёдовар мешавем, ки Саид Ҳалимов 9 декабри соли гузашта пас аз бемории тӯлонӣ дар синни 80 солагӣ аз олам даргузашт. Номбурда муддати 50 сол дар Донишгоҳи миллии Тоҷикистон аз нозукиҳои фонетика ва морфологияи забони тоҷикӣ таълим дода, ба ҳазорон донишҷӯён дарси илму зиндагӣ омӯзондааст. Саид Ҳалимов муаллифи асари боарзиши «Таърихи забони адабии тоҷик» (дар ду ҷилд), «Айнӣ- луғатнигор» ва зиёда аз даҳҳо рисолаву мақолаҳои илмӣ мебошанд.                     Устод Саид Ҳалимов пас аз хатми Донишгоҳи миллии Тоҷикистон соли 1956, ба сифати тарҷумон дар шаҳри Исфаҳони Ҷумҳурии исломии Эрон фаъолият кардааст.                       Барои хизматҳои шоиста ва беғараз дар назди халқу Ватант Саид Ҳалимов ба унвонҳои ифтихории «Аълочии маорифи Тоҷикистон» ва «Корманди шоистаи Тоҷикистон» қадрдонӣ шудааст.