ИШТИРОКЧИИ ҶБВ ДАР МУАССИСАИ ИҶТИМОӢ

Душанбе,  23 феврал. (АМИТ «Ховар», Лаззат Диловарзод).- Бино ба иттилои маркази матбуотии Вазорати меҳнат ва ҳифзи иҷтимоии аҳолӣ дар муассисаҳои иҷтимоии вазорати мазкур1468 нафар шахсони ба нигоҳубин эҳтиёҷмнд ҳаёт ба сар мебаранд, ки 614 нафарашонро занон ташкил медиҳанд. Аз шумораи умумии дар муассисаҳои иҷтимоии вазоратбуда 537 нафарашон кӯдакон, 187 нафар маъюбони гурӯҳи якум, 586 нафарашон маъюбони гурӯҳи дуюм мебошанд. Дар қатори онҳо    1 нафар иштирокчии ҶБВ низ мебошад. Ҳамаи онҳо се вақт бо хӯроки гарм, сару либос, ҷои хоб, хизматрасонии иҷтимоӣ ва тиббӣ таъминанд. Бино ба иттилои ҳамн манбаъ, ба онҳо 1070 нафар кормандон хизмат мерасонанд. Теъдоди бошандагони муассисаҳои иҷтимоии вазорати номбурда нисбат ба соли 2009 50 нафар зиёд аст. Қобили зикр аст, ки барои муассисаҳои статсионарӣ аз буҷаи ҷумҳурӣ 11, 4 млн. сомонӣ ҷудо гардида аст.