ПОРАИ ГИРИФТАИ ҚОСИМОВ АЗ ДАСТ РАФТ

           Душанбе, 17 феврал. (АМИТ «Ховар», Лаззат Диловарзод).- Заминсози хоҷагии ба номи Карл Маркси ноҳияи Мастчоҳ Усмонқул Қосимов барои ҷудо намудани 0, 8 га замини наздиҳавлигӣ аз шаҳрвад «Д» бо роҳи тамаъҷӯӣ ба  ҳайси пора 3 ҳазор доллари амрикоӣ талаб кард. Шаҳрванд «Д» аз болои У. Қосимов барои  амали ғайриқонуниаш бо ариза муроҷиат намуд.             Дар вақти гузаронидани корҳои фаврӣ — тафтишотӣ 15 – уми январи соли 2010 У. Қосимов аз тарафи кормандони Сарраёсати тафтишотии Агентии НДМ ва мубориза бо коррупсия дастгир гардида, аз ӯ маблағи 3 ҳазор доллари амрикоӣ ҳамчун далели шайъӣ гирифта шуд.             Нисбати У. Қосимов аз тарафи Раёсати тафтишотии Агентии НДМ ва мубориза бо коррупсия  бо моддаи 319 (гирифтани пора) – и КҶҶТ парвандаи ҷиноӣ оғоз гардид, тафтишот идома дорад.