РОҲИ ЗИНДАГИИ ОЛӢ ПАЙДО ГАРДИД

Душанбе, 15 феврал. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, дар асоси «Барномаи рушди  боғу токпарварӣ барои солҳои 2010 — 2014»  дар масоҳати 50  ҳазор гектар боғу токзорҳои нав бунёд карда мешаванд. Таҷрибаҳои солҳои охир нишон доданд, ки бунёди боғҳои нав асоси беҳшавии зиндагии мардум гардидааст. Боис ба ёдоварист, ки дар асоси «Барномаи барқарорсозӣ ва рушди минбаъдаи соҳаи боғу токпарварӣ барои солҳои 2007 — 2010»  дар масоҳати 5 ҳазору 182,3  гектар боғҳои нав бунёд гардид, ки нисбат ба барномаи пешбинишуда 3,5 маротиба зиёд мебошад. Дар ин давра танҳо бунёди боғҳои навъи гуногуни зардолу, ки талаботи давлатҳои хориҷ ба он зиёд аст, ба 1985, 8 гектар расонида шудааст.