ТАРИФИ НАВИ ХИЗМАТРАСОНӢ ДАСТГИРӢ МЕЁБАД

Душанбе, 2 феврал. (АМИТ «Ховар», Лаззат Диловарзод). — Ҷумҳурии Тоҷикистон ба сармоягузории дохилу хориҷи кишвар баҳри азнавсозӣ ва таъмири  нерӯгоҳҳои «Норак», «Қайроққум», «Бойғозӣ» ва «Сарбанд» ниёз дорад,- иброз дошт вазири энергетика ва саноат Гул Шералӣ ба мухбири АМИТ «Ховар». Алҳол барои нав кардани тамоми механизмҳои нерӯгоҳи «Норак», ки беш аз 30 сол нерӯи барқ истеҳсол менамояд, 60 – 70 млн. сомонӣ зарур аст. Аз ин рӯ Ҳукумати ҷумҳурӣ барои баланд бардоштани нархи истифодабарии нерӯи барқ розигӣ дод, ки аз 1 – уми январи  соли 2010 Вазорати энергетика ва саноат ба тарифи нави хизматрасонӣ гузарад. Ин тарифбарои аҳолӣ 9 дирамро барои як киловатт ташкил медиҳад.Мақсад аз гузаштан ба тарифи нави хизматрасонӣ навсозӣ кардани нерӯгоҳҳои муддати дароз фаъолиятдошта мебошад, ки ин сиёсатро  мардуми кишвар ҳамеша дасгирӣ кардаанд ва мекунанд. Аз 1 – уми феврал дар тамоми қаламрави ҷумҳурӣ лимити барқ тағйир дода шуд ва  ба аҳолӣ дар як рӯз 10 — 11 соат барқ дода мешавад. Аз 1 – уми апрел бошад лимит пурра бардошта мешавад.