ҒИЗОДИҲИИ ЗИРОАТҲО ИДОМА ДОРАД

Душанбе, 30 март. (АМИТ «Ховар», Лаззат Диловарзод).- Бино ба иттилои Раёсати растанипарварии Вазорати кишоварзӣ, соли ҷорӣ тибқи дурнамо кишти баҳории зироатҳои   ғалладонагӣ 118,8 ҳазор гектар пешбинӣ шудааст. То 15 – уми марти соли ҷорӣ дар майдони зиёда аз 42,6 ҳазор гектар кишти зироатҳои баҳорӣ гузаронда шудааст, ки он  35, 9 фоизи дурнаморо ташкил медиҳад. Бино ба иттилои ҳамин манбаъ, ғизодиҳии зироатҳои ғалладона дар майдони  беш аз 100 ҳазор гектар таъмин гардидааст. Дар вилояти Хатлон то 25 – уми март ғизодиҳии ғалладона дар майдони 75 ҳазор гектар, вилояти Суғд 28 ва дар ноҳияҳои тобеи ҷумҳурӣ 2270 гектар таъмин карда шудааст.