261, 6 МЛН. СОМОНӢ ДАР ДУ МОҲ

Душанбе, 30 март. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, ҳаҷми умумии маҳсулоти  кишоварзӣ дар ду моҳи аввали соли ҷорӣ дар ҳамаи сохторҳои хоҷагӣ   261,6 млн. сомониро ташкил намуд, ки ин нисбат ба ҳамин давраи соли 2009 5,9 фоиз зиёд мебошад. Дар ин давра истеҳсоли маҳсулоти растанипарварӣ 0,8 сомонӣ ва чорводорӣ 260, 8 млн. сомонӣ зиёд гардид. Ҳаҷми умумии маҳсулоти кишоварзӣ дар ҳамаи сохторҳои хоҷагиҳои ВМКБ 4,4 млн. сомонӣ, вилояти Суғд   104,9, вилояти Хатлон 93,9 ва ноҳияҳои тобеи ҷумҳурӣ 58,4 млн. сомониро ташкил намуд. То 1- уми марти соли 2010 дар ҳамаи сохторҳои хоҷагӣ 311 тонна сабзавот истеҳсол карда шудааст, ки нисбат ба ҳамин давраи соли 2009 14,8 фоиз зиёд мебошад.