АФЗОИШИ &#1202А&#1206МИ МАҶМӮИ МАҲСУЛОТИ ДОХИЛИИ КИШВАР ДАР МОҲИ ЯНВАР

Душанбе,  5 март. (АМИТ «Ховар», Покиза  Маҳмадбекова). —  Аз  рӯи  маълумоти  Кумитаи давлатии  омори  ҷумҳурӣ,  маблағи  умумии  Маҷмӯи  маҳсулоти  дохилии  мамлакат  дар  моҳи  январи  соли равон  1  миллиарду  157,6   миллион  сомониро  ташкил  дод. Ҳаҷми  истеҳсоли  маҷмӯи  маҳсулоти  дохилӣ  нисбат ба  ҳамин  давраи  соли  гузашта  4,2  фоиз  афзуд. Аз  дафтари  матбуоти  Бонки  миллии ҷумҳурӣ  ба  мухбири  АМИТ «Ховар»  хабар  доданд, ки  афзоиши  ҳаҷми  Маҷмӯи  маҳсулоти  дохилӣ  ба  5,2  фоиз   зиёд  гардидани  истеҳсоли  маҳсулоти  кишоварзӣ,  14,1  фоиз   афзудани   сармоягузории  асосӣ, 16,3  фоиз  зиёд  гардидани  ҳаҷми  муомилоти  моли  чакана,  инчунин  9  фоиз  афзудани  ҳаҷми  хизматрасонӣ вобаста мебошад. Дар баробари  ин  ҳаҷми  истеҳсоли  маҳсулоти  саноат  нисбат ба  ҳамин  давраи  соли гузашта  9,0 фоиз  коҳиш  ёфт. Дараҷаи  беқурбшавии  пул  дар  давоми  моҳи  январ  0,7  фоизро  ташкил  дод, ки  нисбат ба  ҳамин  давраи  соли гузашта 0,3  фоиз  зиёд  мебошад. Сабабҳои  асосии  беқурбшавии  пул 0,1  фоиз  боло  рафтани  нархи  озуқа,  0,7  фоиз  афзудани  нархи  молҳои  ғайриозуқаворӣ  ва  3  фоиз  баланд  гардидани  нархи  хизматрасонии  пулакӣ  мебошанд.