БАРРАСИИ 40 МАСЪАЛАИ МУҲИМ ДАР МАҶЛИСИ ҲУКУМАТ

Душанбе, 29 март. (АМИТ «Ховар», Бекназари Абӯбакр). — Дар маҷлиси навбатии Ҳукумати мамлакат, ки ин лаҳзаҳо дар шаҳри Душанбе, таҳти раёсати Президенти Ҷумҳурии Тоҷикистон Эмомалӣ Раҳмон ҷараён дорад, Стратегияи миллии Ҷумҳурии Тоҷикистон оид ба идоракунии хатари офатҳо барои солҳои 2010-2015, Барномаи миллии пешгирии бемориҳои касбӣ дар Ҷумҳурии Тоҷикистон барои солҳои 2010-1015, оинномаи Бонки давлатии амонатгузории ҶТ «Амонатбонк», номгӯйи самтҳои афзалиятдоштаи таҳқиқоти илмӣ дар Ҷумҳурии Тоҷикистон барои солҳои 2010-2015 ва нақшаи генералии маркази ноҳияи Тоҷикобод тасдиқ гардиданд. Дар рӯзномаи кори маҷлис беш аз 40 масъалаи муҳими фарогири ҳаёти иқтисодию иҷтимоӣ ва фарҳангӣ ворид шудааст.