БЕШ АЗ 3 МЛН. ТОННА БОР ДАР МОҲИ ЯНВАР

Душанбе, 1 март. (АМИТ «Ховар», Лаззат Диловазод).- Бино ба маълумоти Кумитаи омори ҷумҳурӣ, дар моҳи январи соли 2010 бо ҳамаи намудҳои нақлиёт (якҷоя бо нақлиёти автомобили ҳамаи вазорату идораҳо, корхонаю ташкилоти ҳамаи шаклҳои моликият, ки нақлиёти автомобилӣ доранд, инчунин бо нақлиёти автомобили  шахсони воқеӣ , ки бо боркашонии тиҷоратӣ машғуланд ва бо назардошти нақлиёти Ассотсиатсияи байналхалқии «АВВАТ») 3 млн. 779 ҳазор тонна бор кашонида шудааст, ки ин нисбат ба ҳамин давраи соли соли 2009 1, 2 фоиз зиёд аст. Аз ҷумла бо нақлиёти роҳи оҳан 759,7 ҳазор тонна, бо нақлиёти ҳавоӣ — 0,171 ва бо нақлиёти автомобилӣ 3 млн. 19 ҳазор тонна бор кашонида шудааст.