ЧЕМПИОНАТИ ОСИЁИ МАРКАЗӢ ДАР ВИЛОЯТИ СУҒД

           Суғд, 27 март. (АМИТ «Ховар», Султон Гулмуродов).- Бо мақсади тарғибу ташвиқи гӯштини самбо байни ҷавонон, баланд бардоштани маҳорати касбӣ, таҳкими ваҳдату дӯстӣ ва муайян кардани варзишгарони беҳтарин бо ташаббуси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Федератсияи Самбои Ҷумҳурии Тоҷикистон рӯзҳои 28-ум ва 29-уми марти соли равон дар шаҳри Хуҷанди вилояти Суғд Чемпионати Осиёи Марказӣ оид ба гӯштини самбо доир мегардад. Дар он ҳайати дастаҳои Тоҷикистон, Туркменистон, Қазоқистон, Қирғизистон ва Ӯзбекистон ширкат меварзанд. Иштирокчиёни чемпионати мазкур аз рўи вазнҳои 48 кг, 52 кг, 56 кг, 60 кг, 64 кг, 68 кг, 72 кг, 80 кг ва +80 кг байни занон ва дар ҳамин вазнҳо байни мардон то вазни +100 ќувваозмоӣ мекунанд. Ғолибонро тӯҳфаҳои Кумитаи ҷавонон, варзиш ва сайёҳӣ интизор аст.