ДАР 7 СОЛ 180 МЛН. ДОЛЛАР ДОРУВОРӢ

Душанбе, 17 март. (АМИТ «Ховар», Лаззат Диловарзод).- Тибқи маълумоти омории Вазорати тандурустӣ, то 1 – уми январи соли 2010 дар Ҷумҳурии Тоҷикистон беш аз 58 ҳодисаи бемории қубод  (гепатит) – и шадид ва 520 навъи бемории қубоди паҳншаванда ба қайд гирифта шудаст. Бо мақсади пешгирӣ ва кӯмаки тиббӣ оид ба бемориҳои саратонӣ ва қубод дар соҳаи тандурустӣ Ташкилоти байналмилалии дастгирии тандурустӣ (ХОУП) дар ҶТ 7 сол боз фаъолият дорад. Дар ин муддат тавассути ин ташкилот ба Ҷумҳурии Тоҷикистон ба маблағи 180 млн.доллари амрикоӣ доруворӣ ворид карда шудааст. Барномаи кӯмакҳои башардӯстонаи Ташкилоти байналмилалии дастгирии тандурустӣ (ХОУП) – ро ширкатҳои дорусозии ИМА дастгирӣ намуда, онро бо  ҳамагуна намуди нақлиёт   таъмин менамоянд.