ДАР ВОСЕЪ РОҲҲО ТАЪМИР МЕЁБАНД

Восеъ, 3 март. (АМИТ «Ховар», Сулаймон Холов).- Муассисаи   давлатии   роҳҳои  автомобилгарди  ноҳияи  Восеъ  таъмири   роҳҳои   ҷумҳуриявӣ   ва  маҳаллиро  ба  роҳ   монда  дар  ин  самт  кӯшиш  ба  харҷ   дада  истодаанд. Вобаста  ба  ин  мавзӯъ  сармуҳандиси   муассиса  Саъдулло  Нозимов  гуфт:  «То  ин  ҷониб   аз  тарафи   муассиса   масофаи  277  км  роҳҳо   таъмир   гардида,  164  км  онро  роҳҳои   маҳаллӣ  ташкил  медиҳад. Ба  гуфтаи  ин  манбаъ   маблағгузорӣ   аз  тарафи   вазорати   нақлиёт   сари  вақт   таъмин  гардида,  айни  ҳол  беш  аз  80%  роҳҳо  аз  таъмир  бароварда   шудаанд.  Мавриди  зикр  аст, ки   дар  соли  2009  дар  маҷмӯъ  ба маблағи   428 144  сомонӣ   аз  тарафи   вазорати  нақлиёт   ҷудо  гардид, ки   ин  маблағ  барои   харидорӣ  кардани  битум,  асфалт,  таъмири  роҳҳо,  музди  меҳнат  ва  дигар  хароҷотҳои   зарурӣ  масраф   гардидаанд. Саъдулло   Нозимов  зикр  кард, ки  моҳи  март, оғози  фасли баҳор мебошад ва массиса тасмим гирифтааст ба  кабудизоркунӣ ва шинондани  дарахтони   сояафкан   ва  мевадиҳанда   шурӯъ   намояд. Инчунин   муассисаи   мазкур    муроҷиатномаи    сарвари  давлатро   дастгирӣ   намуда,  саҳмияҳои   НБО   Роғунро  ба   маблағи  19700  сомонӣ   харидорӣ  намуда,  нақша  доранд  дар  оянда   низ  дар  ин  самт  саҳми   босазои   худро  гузоранд.