ХАБАРИ САФОРАТХОНАИ ТОҶИКИСТОН ДАР РУСИЯ

Душанбе,  29 март. (АМИТ «Ховар», Фарангис  Раҳимова). —  Аз  сафоратхонаи  Тоҷикистон  дар  Федератсияи  Русия  ба  АМИТ «Ховар» хабар  доданд, ки  айни  ҳол  дар  бораи  ҳалокати шаҳрвандони  Тоҷикистон  бар  асари  таркишҳои  дар  метрои  шаҳри  Маскав  рухдода  ягон  маълумот  ба  даст  наомадааст.  Кормандони сафоратхона  маълум  мекунанд, ки  дар  байни  одамони  маҷрӯҳгардида  шаҳрвандони  Тоҷикистон  ҳастанд ё  не  гуфта  мешавад дар  хабари  сафоратхона. Ёдовар  мешавем, ки  субҳи  имрӯз  дар  ду  истгоҳи   метрои  шаҳри  Маскав  паси  ҳам  ду таркиши  шадид ба  амал омад. Аз  рӯи  хабарҳои расида,   дар  натиҷаи  ин  таркишҳо  36  нафар  ҳалок ва  бештар  аз  96 нафар   маҷрӯҳ  гардидааст.