КИРО РАИСИ ПАЛАТАИ ПОЁНӢ ИНТИХОБ МЕКУНАНД?

Душанбе, 15 март.(АМИТ «Ховар», Марзия Саидова).- 16 марти соли 2010 дар шаҳри Душанбе ҷаласаи нахустини иҷлосияи якуми  Маҷлиси намояндагони Маҷлиси Олии Ҷумҳурии Тоҷикистон даъвати чорум баргузор мегардад. Дар ин хусус,  аз хадамоти матбуотии палатаи поёнии парлумони мамлакат ба АМИТ «Ховар» иттилоъ доданд. Дар ҷараёни иҷлосияи якуми Маҷлиси намояндагон,  Раиси Маҷлиси намояндагон, муовинони  он, раисони кумитаҳо ва комисияҳои Маҷлиси намояндагон интихоб карда мешаванд. Бояд зикр кард, ки Маҷлиси намояндагони Маҷлиси Олии Ҷумҳурии Тоҷикистон, ҳамчун палатаи поёнии доимоамалкунандаи парлумони касбии  Тоҷикистон 10 сол муқаддам таъсис дода шуда, аз 63 вакил иборат аст. Дар даъвати чорум 43 вакил намояндаи Ҳизби халқӣ-демократии Тоҷикистон,  ва ду нафари аз дигар ҳизбҳои сиёсии мамлакат — Ҳизби наҳзати исломии Тоҷикистон, Ҳизби коммунисти Тоҷикистон, Ҳизби ислоҳоти иқтисодии Тоҷикистон ва Ҳизби аграрии Тоҷикистон ва 12 нафар вакилони ғайриҳизбӣ дар палати поёнии парлумони мамлакат намояндагӣ мекунанд.