МУҲОҶИРАТИ ДОХИЛИИ МУҲОҶИРОН АНҶОМ ЁФТ

Душанбе, 15 март. (АМИТ «Ховар», Лаззат Диловарзод).-  Дар доираи ташкили муҳоҷирати дохилию экологӣ ҷои асосӣ  ба муҳоҷирати аҳолии мавқеъҳои зериобмонии НБО –и «Роғун» дода мешавад,- иброз доштанд дар Вазорати меҳнат ва ҳифзи иҷтимоии аҳолӣ ба мухбири АМИТ «Ховар». Аллакай аз ноҳияи Нуробод ва шаҳри Роғун сардорони 192 оила ба шаҳри Данғара, 296 оила ба шаҳри Турсунзода ва 112 оила  ба минтақаҳои дигари ноҳияи Нуробод, ҷамъ 600 оила, аз ҷумла, 430 оила аз минтақаи якум ва 170 оила аз минтақаи дуюми зериобмонии сарбанди НОБ – и «Роғун» ба ҷойҳои нави зист кӯчонида шуданд. Илова ба ин, оид ба кӯчонидани сардорони 176 оила аз минтақаи якуми зериобмонии НОБ – и «Роғун» ба ноҳияи Рӯдакӣ ба анҷом расонда шудааст.