РОБИЯИ БАЛХӢ ВА ҶОЙГОҲИ Ў ДАР ШЕЪРУ АДАБИ ПОРСӢ

Душанбе, 30 март. (АМИТ «Ховар», Лутфия Эшонқулова).-31 марти соли равон Вазорати фарҳанги ҷумҳурӣ дар якҷоягӣ бо Ташкилоти ҷамъиятии байналмилалии «Истиқбол» дар толори вазорати фарҳанг конфронси илмӣ-байналмилалиро бо номи «Робияи Балхӣ ва ҷойгоҳи ў дар  шеъру адаби порсӣ» баргузор  менамояд. Дар он  шоирону нависандагон  ва устодону коршиносон аз Ҷумҳуриҳои исломии Афғонистону Эрон ва Ҷумҳурии Тоҷикистон  иштирок  менамоянд.                         Дар  конфронс мутахассисон дар мавзӯҳои «Робияи Адвия ва Робияи Балхӣ»,  «Робияи Балхӣ ва ишқи шўрангези ў», «Нумўи пуртуғён ва шикасти нобаҳангом», «Робия шоири ориф ё ошиқ», «Робияи Балхӣ дар Афғонистон»  маърӯзаҳо намуда,  роҷеъ ба  ҳаёту фаъолияти  шоира баҳсу мунозира хоҳанд кард. Ҳамчунин, дар доираи ин чорабинӣ барои иштирокчиён  филме пешкаш карда  мешавад. Конфронс ду рӯз идома ёфта, баъд аз анҷоми он меҳмонон аз муҷтамаи Ёдгориҳои таърихии Қалъаи Ҳисор, Осорхонаи миллии ба номи Камолиддин Беҳзод ва Осорхонаи бостоншиносӣ дидан хоҳанд кард. Дар ин бора ба АМИТ «Ховар» аз маркази матбуоти Вазорати фарҳанг хабар доданд.