ТӮӢ ХАТНА

Ғончӣ, 30 март.(АМИТ «Ховар», Мирзалӣ Амонов).-Яке аз суннатҳои Наврӯзи аҷам кушодани дасти сахо ва кӯмак ба ятимону дармондагон ва ниёзмандон аст. Бо дасти сахои ашхоси саховатманд мақомоти иҷроияи ҳокимияти давлатии ноҳияи Ғончӣ тӯи хатнаи 5 нафар кӯдаконро аз деҳаҳои Басманда, Уғук, Хуҷатоир ва шаҳраки Ғончӣ дар фазои меҳру сафо бо иштироки намояндагони аҳли ҷомеаи ноҳия баргузор намуд. Барояшон сару либос, тӯҳфаҳои хотиравӣ тақдим намуданд. Бахусус, ба номи ҳар яки ин дӯстрӯякон ба маблағи 200 сомонӣ харидорӣ ба тӯҳфа шудани саҳмияҳои ҶСШК Нерӯгоҳи барқи оби «Роғун»дар ёдашон сахт нақш хоҳад баст. Зеро ин нерӯгоҳи азим ояндаи ин фарзандони миллат аст.