ТАҶЛИЛИ НАВРӮЗ ДАР ЯРОСЛАВЛ
Душанбе, 26 март. (АМИТ «Ховар»). — Бо ташаббуси Ҷамъияти тоҷикони вилояти Ярославл 23 март дар ин ҷо иди байналмилалии Наврӯз ботантана ҷашн гирифта шуд. Ба ин муносибат дар маҷмааи варзишии «Атлант» ҷамъомади ботантана баргузор гардид. Дар он тоҷиконе, ки муваққатан ё доимӣ дар вилояти Ярославл зиндагӣ мекунанд, намояндагони ҷамъиятҳои тоҷикони минтақаҳои дигари Русия ва аҳли ҷамъияти вилоят ширкат варзиданд. Ҷамъомадагонро муовини раиси вилоят Александр Ипатов, мушовири раиси вилоят дар масъалаҳои дин Владимир Кувшинов, сафири Тоҷикистон дар Русия Абдулмаҷид Достиев ва раиси шӯъбаи «Анҷумани халқҳои Русия» дар вилояти Ярославл Нурел Хосиев табрик намуданд. А.Ипатов зикр намуд, ки соли равон ҳазорсолагии шаҳр ботантана ҷашн гирифта мешавад. Вай изҳори умед намуд, ки минбаъд иди Наврӯз низ ҳар сол ҷашн гирифта хоҳад шуд. Сафири Тоҷикистон дар Русия Абдулмаҷид Достиев дар бораи анъанаҳои қадимаи таҷлили Наврӯз дар Тоҷикистон ва муносибатҳои дӯстонаю ҳамкории халқҳои Тоҷикистону Русия сухан ронд. Дар қисми дуюми ҷамъомад консерти калони идона намоиш дода, ва мусобиқаҳои гуногуни варзишӣ ташкил карда шуданд.
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
