ҚАБУЛИ ХОНАНДАГОН БА ЛИТСЕЙҲОИ ТОҶИКИЮ ТУРКӢ

Душанбе, 14 апрел. (АМИТ «Ховар», Лаззат Диловарзод).-   Дар  Ҷумҳурии Тоҷикистон 6 литсей – интернати тоҷикию туркӣ амал мекунад. Соли ҷорӣ имтиҳонҳои қабул ба синфи 6 ба ин литсей – интернатҳо аз 25 апрел оғоз мегардад. Дар литсей – интернатҳо омӯзиши фанҳои дақиқ – химия, физика, биология, математика бо забони англисӣ  бо истифода аз компютер, видео, аудио, омӯзиши фанҳои технологияи информатсионӣ ва ҳамчунин омӯзиши фанҳои гуманитарӣ — таърих, география, забон ва адабиёти тоҷик, асосҳои давлат ва ҳуқуқ ба забони тоҷикӣ ба роҳ монда мешавад. Хонандагон дар хобгоҳ зиндагӣ намуда, се маротиба бо хӯрок таъмин карда мешаванд,- иброз доштанд дар Вазорати маориф ба мухбири АМИТ  «Ховар».