ҶАЛАСАИ НАМОЯНДАГОНИ СОҲАИ МУҲОҶИРАТИ КИШВАРҲОИ ИДМ

Душанбе,  27 апрел. (АМИТ «Ховар», Ибодат Давлатова).-    Аз  27 то 28  апрели соли ҷорӣ дар пойтахти Беларус — шаҳри Минск ҷаласаи гурӯҳи экспертии лоиҳаи Протокол дар бораи даровардани тағйиру иловаҳо ба Созишномаи таъсиси Шӯрои консултативии меҳнат, муҳоҷират ва ҳифзи иҷтимоии кишварҳои Иттиҳоди Давлатҳои Мустақил аз 13-уми ноябри соли 1992 баргузор мегардад. Бояд гуфт, ки вазифаҳои асосии Шӯро аз таҳлил ва баррасии лоиҳаҳои бисёрҷонибаи шартномаҳои байналмиллалӣ, иштирок дар коркарди лоиҳаҳои қонунҳои моделӣ, табодули маълумот миёни кишварҳои иштирокчиёни           Шӯро иборат           аст.             Ҳамчунин дар Шӯрои мазкур дигар масъалаҳое, ки сарони кишварҳо пешниҳод мекунанд, баррасӣ мешаванд. Ҳайати гурӯҳи кори Тоҷикистон низ дар ҷаласаи мазкур ширкат хоҳад варзид.  Дар ин бора ба мухбири АМИТ «Ховар» аз   Хадамоти муҳоҷиратии Вазорати корҳои дохилӣ иттилоъ доданд.