689 ГЕКТАР ТОКЗОРҲОИ НАВ

 Душанбе, 27 апрел. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, то 15 апрели соли ҷорӣ 975 гектар боғ ва 280 гектар токзорҳо барқарор карда шудааст. Вобаста ба маълумоти ҳамин манбаъ, то 15 арели соли 2010 дар ҳамаи сохторҳои кишоварзӣ 10787 гектар боғҳои нав бунёд карда шудааст, ки нисбат ба соли гузашта 2,5 баробар зиёд аст. Аз масоҳати умумии боғҳо 1662 гектар мевагиҳои тухмдор, 7433 гектар донакдор, 966 гектар мағздор, 724 гектар субтропикӣ ва 2  гектар меваҳои ситрусиро ташкил медиҳанд. Аз миқдори умумии боғҳои нав 1194 гектараш дар заминҳои лалмӣ бунёд карда шудааст. Дар давоми семоҳаи аввали соли ҷорӣ ҳамчунин дар масоҳати 689 гектар токзорҳои нав бунёд карда шудааст.