АНҶУМАНИ НАХУСТИНИ ОМӮЗГОРОНИ МАМЛАКАТҲОИ ИДМ

Душанбе,  26 апрел. (АМИТ «Ховар», Людмила  Дубинина). —  26 – 27 апрел  дар  шаҳри  Остона  бо  дастгирии  Бунёди  байнидавлатии ҳамкории  гуманитарии  ИДМ  анҷумани нахустини  омӯзгорон  ва  кормандони  маорифи   давлатҳои  ИДМ  баргузор  мегардад.  Дар он  зиёда  аз  500  намояндаи  вазоратҳои  маориф,  муассисаҳои  илмӣ,  коршиносон, ходимони  ҷамъиятӣ   ва  омӯзгорони  ҳамаи   мамлакатҳои  ИДМ  иштирок  хоҳанд  кард. Ҳайати  Ҷумҳурии  Тоҷикистон  дар  анҷуман  таҳти роҳбарии вазири  маорифи  мамлакат Абдуҷаббор  Раҳмонов  ширкат  меварзад. Иштирокчиёни  анҷуман  ба  равнақу  ривоҷи   ҳамкории  доманадор  дар  соҳаи  маориф,  ба  ҳамдигар  наздиктар  сохтани  барномаҳои таълимӣ  ва  муносибатҳои  ягона  дар  соҳа   диққати  асосӣ  медиҳанд.