БАРНОМАИ КОРКАРДИ ПУРРАИ ПАХТА

Душанбе, 6 апрел. (АМИТ «Ховар», Лаззат Диловарзод).- Бо қарори Ҳукумати ҷумҳурӣ аз 3 – юми августи соли 2007 «Барномаи коркарди пурраи нахи пахтаи дар Ҷумҳурии Тоҷикистон истеҳсолшаванда дар давраи то соли 2015» вазифа гузошта шудааст, ки истеҳсоли пахта ба 650 ҳазор тонна ва истеҳсоли нах ба 210 ҳазор тонна расонида шавад. — Барои ба ин мақсад ноил гардидан аз пахтаи навъҳои селексионии туркии    «Флора», «Кармен», ки ҳосили хуб ва сифати нахи аъло доранд, ё  барои навъҳои селексионии дар ҷумҳурӣ киштшавандаи «Тилин», ки дарози нахи он аз 33,2 то 35,2, «Хуҷанд — 67», «Сорбон», 65-30 – «С», «Намангон — 77»   шароит муҳайё кардан зарур аст.   Агар аз  баҳори  имсола    сар карда, заминаи онро бо  кишти ин навъҳо ба роҳ намонем, онгоҳ   то соли 2015 иҷрои ин қарор зери суол мемонад,- мегӯядсардори нозироти пахтаи «Тоҷикстандарт» Қ. Алимардонов.